श्री शनि चालीसा - Sri Shani Chalisha

दोहा

जय गणेश गिरिजा सुवन, मंगल करण कृपाल।

दीनन के दुख दूर करि, कीजै नाथ निहाल॥

जय जय श्री शनिदेव प्रभु, सुनहु विनय महाराज।

करहु कृपा हे रवि तनय, राखहु जन की लाज॥

चौपाई

जयति जयति शनिदेव दयाला। करत सदा भक्तन प्रतिपाला॥

चारि भुजा, तनु श्याम विराजै। माथे रतन मुकुट छबि छाजै॥

परम विशाल मनोहर भाला। टेढ़ी दृष्टि भृकुटि विकराला॥

कुण्डल श्रवण चमाचम चमके। हिय माल मुक्तन मणि दमके॥

कर में गदा त्रिशूल कुठारा। पल बिच करैं अरिहिं संहारा॥

पिंगल, कृष्णो, छाया नन्दन। यम, कोणस्थ, रौद्र, दुखभंजन॥

सौरी, मन्द, शनी, दश नामा। भानु पुत्र पूजहिं सब कामा॥

जा पर प्रभु प्रसन्न ह्वैं जाहीं। रंकहुँ राव करैं क्षण माहीं॥

पर्वतहू तृण होई निहारत। तृणहू को पर्वत करि डारत॥

राज मिलत बन रामहिं दीन्हयो। कैकेइहुँ की मति हरि लीन्हयो॥

बनहूँ में मृग कपट दिखाई। मातु जानकी गई चुराई॥

लखनहिं शक्ति विकल करिडारा। मचिगा दल में हाहाकारा॥

रावण की गति-मति बौराई। रामचन्द्र सों बैर बढ़ाई॥

दियो कीट करि कंचन लंका। बजि बजरंग बीर की डंका॥

नृप विक्रम पर तुहि पगु धारा। चित्र मयूर निगलि गै हारा॥

हार नौलखा लाग्यो चोरी। हाथ पैर डरवायो तोरी॥

भारी दशा निकृष्ट दिखायो। तेलिहिं घर कोल्हू चलवायो॥

विनय राग दीपक महं कीन्हयों। तब प्रसन्न प्रभु ह्वै सुख दीन्हयों॥

हरिश्चन्द्र नृप नारि बिकानी। आपहुं भरे डोम घर पानी॥

तैसे नल पर दशा सिरानी। भूंजी-मीन कूद गई पानी॥

श्री शंकरहिं गह्यो जब जाई। पारवती को सती कराई॥

तनिक विलोकत ही करि रीसा। नभ उड़ि गयो गौरिसुत सीसा॥

पाण्डव पर भै दशा तुम्हारी। बची द्रौपदी होति उघारी॥

कौरव के भी गति मति मारयो। युद्ध महाभारत करि डारयो॥

रवि कहँ मुख महँ धरि तत्काला। लेकर कूदि परयो पाताला॥

शेष देव-लखि विनती लाई। रवि को मुख ते दियो छुड़ाई॥

वाहन प्रभु के सात सुजाना। जग दिग्गज गर्दभ मृग स्वाना॥

जम्बुक सिंह आदि नख धारी सो फल ज्योतिष कहत पुकारी॥

गज वाहन लक्ष्मी गृह आवैं। हय ते सुख सम्पति उपजावैं॥

गर्दभ हानि करै बहु काजा। सिंह सिद्धकर राज समाजा॥

जम्बुक बुद्धि नष्ट कर डारै। मृग दे कष्ट प्राण संहारै॥

जब आवहिं प्रभु स्वान सवारी। चोरी आदि होय डर भारी॥

तैसहि चारि चरण यह नामा। स्वर्ण लौह चाँदी अरु तामा॥

लौह चरण पर जब प्रभु आवैं। धन जन सम्पत्ति नष्ट करावैं॥

समता ताम्र रजत शुभकारी। स्वर्ण सर्व सर्व सुख मंगल भारी॥

जो यह शनि चरित्र नित गावै। कबहुं न दशा निकृष्ट सतावै॥

अद्भुत नाथ दिखावैं लीला। करैं शत्रु के नशि बलि ढीला॥

जो पण्डित सुयोग्य बुलवाई। विधिवत शनि ग्रह शांति कराई॥

पीपल जल शनि दिवस चढ़ावत। दीप दान दै बहु सुख पावत॥

कहत राम सुन्दर प्रभु दासा। शनि सुमिरत सुख होत प्रकाशा॥

दोहा

पाठ शनिश्चर देव को, की हों 'भक्त' तैयार।

करत पाठ चालीस दिन, हो भवसागर पार॥

अन्य चालीसा संग्रह

श्री भैरव चालीसा - Sri Bhairav Chalisa

doha

jay ganesh girija suvan, mangal karan krpaal.

deenan ke dukh door kari, keejai naath nihaal.

jay jay shree shanidev prabhu, sunahu vinay mahaaraaj.

karahu krpa he ravi tanay, raakhahu jan kee laaj.

chaupai

jayati jayati shanidev dayaala.

karat sada bhaktan pratipaala.

chaari bhuja, tanu shyaam viraajai.

maathe ratan mukut chhabi chhaajai.

param vishaal manohar bhaala.

tedhee drshti bhrkuti vikaraala.

kundal shravan chamaacham chamake.

hiy maal muktan mani damake.

kar mein gada trishool kuthaara.

pal bich karain arihin sanhaara.

pingal, krshno, chhaaya nandan.

yam, konasth, raudr, dukhabhanjan.

sauree, mand, shanee, dash naama.

bhaanu putr poojahin sab kaama.

ja par prabhu prasann hvain jaaheen.

rankahun raav karain kshan maaheen.

parvatahoo trn hoee nihaarat.

trnahoo ko parvat kari daarat.

raaj milat ban raamahin deenhayo.

kaikeihun kee mati hari leenhayo.

banahoon mein mrg kapat dikhaee.

maatu jaanakee gaee churaee.

lakhanahin shakti vikal karidaara.

machiga dal mein haahaakaara.

raavan kee gati-mati bauraee.

raamachandr son bair badhaee.

diyo keet kari kanchan lanka.

baji bajarang beer kee danka.

nrp vikram par tuhi pagu dhaara.

chitr mayoor nigali gai haara.

haar naulakha laagyo choree.

haath pair daravaayo toree.

bhaaree dasha nikrsht dikhaayo.

telihin ghar kolhoo chalavaayo.

vinay raag deepak mahan keenhayon.

tab prasann prabhu hvai sukh deenhayon.

harishchandr nrp naari bikaanee.

aapahun bhare dom ghar paanee.

taise nal par dasha siraanee.

bhoonjee-meen kood gaee paanee.

shree shankarahin gahyo jab jaee.

paaravatee ko satee karaee.

tanik vilokat hee kari reesa.

nabh udi gayo gaurisut seesa.

paandav par bhai dasha tumhaaree.

bachee draupadee hoti ughaaree.

kaurav ke bhee gati mati maarayo.

yuddh mahaabhaarat kari daarayo.

ravi kahan mukh mahan dhari tatkaala.

lekar koodi parayo paataala.

shesh dev-lakhi vinatee laee.

ravi ko mukh te diyo chhudaee.

vaahan prabhu ke saat sujaana.

jag diggaj gardabh mrg svaana.

jambuk sinh aadi nakh dhaaree.

so phal jyotish kahat pukaaree.

gaj vaahan lakshmee grh aavain.

hay te sukh sampati upajaavain.

gardabh haani karai bahu kaaja.

sinh siddhakar raaj samaaja.

jambuk buddhi nasht kar daarai.

mrg de kasht praan sanhaarai.

jab aavahin prabhu svaan savaaree.

choree aadi hoy dar bhaaree.

taisahi chaari charan yah naama.

svarn lauh chaandee aru taama.

lauh charan par jab prabhu aavain.

dhan jan sampatti nasht karaavain.

samata taamr rajat shubhakaaree.

svarn sarv sarv sukh mangal bhaaree.

jo yah shani charitr nit gaavai.

kabahun na dasha nikrsht sataavai.

adbhut naath dikhaavain leela.

karain shatru ke nashi bali dheela.

jo pandit suyogy bulavaee.

vidhivat shani grah shaanti karaee.

peepal jal shani divas chadhaavat.

deep daan dai bahu sukh paavat.

kahat raam sundar prabhu daasa.

shani sumirat sukh hot prakaasha.

doha

paath shanishchar dev ko, kee hon bhakt taiyaar.

karat paath chaalees din, ho bhavasaagar paar.

Post a Comment

0 Comments